Eagus dey polish shoe for France

posted in: News | 4

Afta all de kasala wey shelle for Naija camp lass Thursday wey make de Supa Eagus no train, de boys don gree now and dem don dey polish dia boot wey dem go take jam France on Monday.

Yawa hapin on Thursday wen all de Supa Eagus playas vex for de NFF pipu say make dem pay dem all dia money afta dem don kwalify enta de knock out stage.

Money no kon dey ground wey NFF pipu go pay dem, and naso de Eagus kon raise dust for dia Oga dem say na muss make dem go find de money.

We amebo for supersport.com kon hear say na Naija presido, Goodluck Jonathan na hin follow all de playas tok for phone say make dem no worry as dem go collect all dia kudi.

Naija don enta Brasilia (na dia dem and France go jam diasef) and training don start wella as de Eagus wan bilala France for dia knock out game.

Supa Eagus midfida, Gabriel Reuben na hin kon yarn us for supersport.com say kasala no dey again for Naija camp.

“Bros, we no get yawa again with anybody, and wetin dey our head now na how we go make all Naija fans jolly on Monday becos na muss make we kolabo France,” na im de one time Kano Pillars midfida yarn us.

Supa Eagus neva for dia life kwalify enta de kwatafinal for de World Cup, and who know weda dia level fit change on Monday wen dem jam France.

Previous Chapter
Next Chapter

4 Responses

  1. Joe Dejana

    Nice

  2. @ZUBY.

    Nice updates. Helping to keep us abreast. But its looking like the global news is now getting more updates than the main story. Feed us some naw.

    Regards.

  3. Joe Dejana

    Coach is impressive

  4. Lol..good job coach

Leave a Reply